Desmembro

TROQUEUS

2012-02-11T18:48:00.002-02:00

Som pessoa
Nada’em lama, sangue, pernas.
Som pequena
Imagino-m’alta’e grande.
Som de carne
Feito d’osso’o meu caroço.
Som mortal
E nem hei deixar semente.
Somos muitas
Mesmo’após morrerem tantas.
Somos filhas
Dessas nais e’avós que parem.
Somos fortes
Feitas duras à pancada.
Somos nós
Se soubermos quem nós somos.

Alitosis

2012-02-06T18:30:00.000-02:00

Eu quero verche os olhos

quando abre-la boca e nom posses

dizer-me que me queres,

essa mentira vanagloriossa

que inventou um cura.

No fregadoiro entre a vaixela

ou entre os piñeiros lha herva.

Quero que falar nom poidas

enganar-me nom mais que só fale

o teu alento e a túa força

apretando-me ao coitelo da minha espranza.

Que soio túas unlhas me lembrem

que máis alá desse momento

existe algo que chamamos sentimento.

Quero fazer um anjo celeste

mas nom o quero pra os soio somente

em si mesmos se centram

quero ver como tí o moldeas

sentir-cho crear com as maos entre o barro.

Eu quero roubar-che o alento

quando a boca abres pra solta-la vida

saber que nesse intre já nao podes contar mentiras.

A ponte das brétemas

2012-02-02T19:32:00.002-02:00

As rúas molhadas hoje
onte estavam geladas
passou-se dum estado ao outro
como passam já
neste ¿novo/velho? tempo
as primaveras de verão a outono.
Quem sabe quando as folhas caiam
quem as varrera?
Ou quem irá ao monte
busca-las jestas pra fazer vassoira.
Como voam as brujas
eu quixera voar dumha beira
autra beira dalá
de Pantom a Sober
e voltar. Esquecer-me
De que há que viver em conformidá.
Viver selvagem,
javaril que foça
nos lameiros do batam.
Quem poeta for,
o poeta pode sonhar.

SEMÉN DE MADRUGADA

2012-01-20T15:21:00.000-02:00

Hoje queria escrever de amor
Do que te quero e do que te quixem
Também do que já não.

Queria escrever da pureza
Da honestidade dos pajaros
Da pureza dos rios galegos.

Quereria dizer que cruzarei a ponte
Que a brétema forma
Do silencio contido de béquer
Do sol da aurora
Da lua que assoma e brilha
Do azul do cedo
Das rosas que mandava algum animal
Desde algum porta-aviões
Pero sinceramente, hoje,
Eu só posso pensar cos colhoes.

Sobre a lousa

2012-01-17T19:23:00.003-02:00

Aos trabalhadores abandonados

polo sindicalismo revisionista,

sempre máis preocupado

das garantias sindicais

que das condicións e

das necesidades do obreiro.

Por muito que o neguem fica

para história nos convenios .

Sobre que lousa
se fende a vida
ou que vidas sobre
a lousa se fenderon?
Neve, frío. lume e...
negro fume, escuro,
pras vidas que forom máis alá
das costas da barrela.
Algum borrego os chamou lumpem
eles tinham filhos, eles tinham fame
eles queriam pam.
Tí revolucionário, que sabes
se viveches sempre del?

Hoje muitos deles
seriam alguem de sonhos cubertos
habería na terra outra cor e lentura
que eram também labregos.
Máis teima vida,
em que o verão se veja asobalhado
ao saír da primavera.

Q fantastica fantastica esta fiesta

2012-01-09T19:30:00.000-02:00

Bem vidos a paz de Dios
Por minha culpa pola túa pola do outro
a mão nos damos irmãos.

Bem vidos a paz de Dios.
Natal, Desejos, Carlos III, Soidade, Milhões.
Wellcome to the eternity
god soon arrived again.
Ceba bem o marrão
que o imos papar.

De súpeto pariu a vaca
o becerro paceu-lhe a herba
o boi levou as culpas:
Queriam-lhe alumar.

O pequeno ficou sem leite
As culpas forom do boi
por não ter ubres.
Ceba bem o porco
que o imos comer.
Tapa bem o filho de Yavhé
bota-lhe bem o sal.

Wellcome to this time
Tequila, sexo, paro, soedá.

Are you here or are you there? wellcome wellcome

2012-01-09T19:21:00.000-02:00

Gea, Deusa grega ho mai terra!
A carne preta
no saleiro esta fresca.

-Wellcome to the world! Are you born in USA?

Triunvirato, trifásico, trinidade.
Todo se reduce a tres:
Número máxico.

-FMI, UE, USA, are you born in USA?

Saúdem ao novo Deus
novo becerro de verde dólar.

-Wellcome, wellcome...

Cutrepoema

2012-01-09T19:13:00.001-02:00

O coração pesa-lhe o sofrimento
néboa vepertina subindo rio arriba
passo cansado das seis da manhá
a corenta e cinco kilometros da cama.
Velho que ve esfarelar a casa.

O soberbio eleva-se a si mesmo aos altares
o humilde é simplesmente alguém
que tropeçou mil vezes na mesma pedra
e a fim fendeu a crisma.

O coração igual que a mente
passa de palpitante a esmorecido
soberbio a humilde
de novo a velho...
De quem pensa na morte
coma algo incerto
a quem a ouve nos olhos do dia-noite.
De quem sabe de amor
e de quem o sinte.

O tempo é bem essencial
de primeira necessidade,
mais que o petróleo e os autocarros.
Faz do tolo um manso
do amor faz vinagre
do novo um velho
do coração um relojo.
Ele é o que se joga
ninguem o ve nimgue o pensa.

MENTRES IMOS ANDANDO, já dijo o Celso.

Durmindo soñei que durmia e roncaba

2011-12-07T22:38:00.001-02:00

A palabra liberdade
tantas veces pronunciada
as veces perdeu o seu significante.
O curso da correte levouna o río

Entre os lobos ouvea
e rite de su puta madre
fala de xamón, chourizos, polivalencia
traelle aos bárbaros o pelexo dun camaleón.

Mais só ti sabes que só
sómente certa militancia ten un prezo.
A verdade e a razón
os ideais en curso de desprezo.

Tece soños mentres ves
abril tecerse en decembro.
Eles pensarán que as máquinas
son arte e progreso.

Welcome to Europe

2011-12-05T18:41:00.001-02:00

A liberdade destruída
dixo Celso sona a máquina
cheira a sabor metálico
na lingua e nas gorxas.

As feras da selva
ruxen alleas ao contrato social
furan, soplan, resoplan, recantean.
Teñen un nome aterrador.

A liberdade destruída ouvea
nas gadoupas dun gato de ollos negros,
nos seus miaños adoecidos
pola propulsión dun dedo no gatillo.

A liberdade destruída crea
potentes patentes de máquinas
desde unha natureza erma
que descoñeceu sempre o pacto social
a civilización ou a moral.
Non coñece o credo
os centros comerciais
onde van as señoras de ben.

O tempo conxélase
crea
de gatos taladros
de mofetas disolventes
de leóns coitelos
de homes escravos.

A cela de excel

2011-12-01T17:47:00.001-02:00

A minha vida numha cela de excel
ordenada sistematicamente coma o alinhamento celeste
o meu dia por vias de tránsito diferênciadas
com linhas amarelas: perigo, precaçom
via láctea em ourense cara compostela em mente
sem mover-se da atiu.

Vendo cae-las folhas desde o cima dos salgueiros
ao moredo taladram, cortam, remacham, cocem.
Todo dentro dumha cela de excel
na que colhe o universo infindo dos sonhos
Escariados a través do chao do cemento
onde jacem as jatas modernas.

Esta é a vida desde umha cela de excel
dumha ovelha entalada no rebanho na súa colmea.
This is the new Jesus
a nossa senhora de ferro
o velho mago panteísta reducido
enclaustrado e ailhado na cela do excel.
Todo suma, resta, multiplica, divide, contabiliza...
Este é o progresso, a ciência inteira.

poema doutro século ao tránsito cara a modernidade.

Freedom vs Liberty

2011-10-26T21:18:00.000-02:00

"Por quê é que escreveis em verso? Já ninguém se preocupa disso... Na nossa época de céptica madurez e independência republicana, o verso é uma forma antiquada. Preferimos a prosa, que em virtude da sua liberdade de movimento, adequa-se mais aos instintos da democracia", Eugène Deletan, deputado francês cara 1877.

Escrevo em verso para ser livre
de escravizar os meus pensamentos
e partilhá-los (de graça)
com irmãs e irmãos que se movem
livre e democraticamente
nos currunchos alternativos da rede
e que livremente defendem a democracia
de todas as culturas à sua digna existência.

Escrevo em verso:
é verdade que preocupado
pela liberdade de movimento
do capital duns poucos
sobre o lombo dos muitos.
Versos numa democracia
-censitária e oligárquica-
em que os seus próceres
cuspem e enlamam
cartas magnas;
papéis velhos de que ninguém já se preocupa.

Escrevo em verso
porque na nossa época
de idiócia, cínico
imperialismo dos direitos humanos,
e servidume dos assuntos públicos
à lei privada dos "publicanos"
tem que denunciar-se desde as últimas barricadas
onde sobrevive o gromo da democracia
(real, direta, participativa, proletária e libertária).

O verso como palavra lapidária,
o verso como atalaia,
o verso como sentido,
o verso moderno,
o verso ruturista,
o verso vital,
o verso antigo,
o verso futuro,
o verso social e político...
A hóstia em verso!

Rogamos

2011-10-26T18:23:00.000-02:00

Eu som daqui
Deste burato fondo
onde estam a medra-las herbas
entre anacos de floreiros rotos
no chao dos cemitérios.
Este silêncio me pronuncia
e me acobarda para que cale
e outros calem fitando meu exemplo.
Esto é o que cheguei a ser
um boneco máis ao que Taylor
desde o inferno máis celeste
lhe dá forma.
Miro passa-las viúvas
dos vivos e das mortas
e deséjo-as tal Amandas
mistériossas de faziana cansa
á saída da moderna fábrica,
de excelsas coussas cheias
coloridas e pompossas.
Alí há progresso, paz, justiça.

Rogai irmaos
para que este sacrifizo nosso,
nosso soio,
seja agradável ao insaciábel todopoderosso.

Galiza ecoa viva

2011-10-12T18:45:00.001-03:00

"E tamén, lentamente,
con voz do noso tempo
falar da dor dos homes que nos miran,
dos latexos de chumbo nos ouvidos,
da mau atada á roda dos motores
decindo adiós ao fumo
que rube dos tellados tristemente."

Celso Emilio Ferreiro, Eu quero ir a lugo,

Longa noite de pedra, 1962

Terra a miña
que volve da historia
a entregarnos en Cima de Vila
o doce aroma da paz.

Desde as carballeiras de Lugo
ás azuis costas de Ortegal...
Terra a miña.

Que polas súas corredoiras corren
pantasmas de nenos que un día foron
fillos de ninguén.
Nenos loiros cando quero ir e vir
a través do teu corazón ás túas mans.
E vou a Lugo poeta amigo, Xosé Terra.

Terra a miña
de vales e faros
noites de luar
onde discorren
as bágoas llos risos
os éxodos llas colleitas,
onde podo ver esta noite prateada
o doce aroma do hoxe e do maña .

Terra a miña
Onde atoparme cos meus mortos
en confomidá!

-Quería subir con este poema un comentario que un día escribiu aqui moi fermoso o garcia do outeiro sobre o monte faro que é a "voz que ecoa" mais non o dou atopado... Mais estaría ben se o atopades o escribades nos comentarios outra vez :D

aos que se tenhem sempre solertes

2011-09-28T21:11:00.007-03:00

Olhando com ar distraido
As cem prateleiras coa mente distante
Uns olhos alheios
Alheiam-se sós da cidade’em que moram.
“Apenas eu próprio”
Palavras tam duras lazeiram-no,
Dantes prefer’outras vias:
“Falarmos d’amor e limpar-nos coa mau”
Se tal for possível nom falta vontade,
Mas toda palavra que tem com qualquer
Lhe diz sem consciência “Pra mim nom és bom suficiente”.
Um laio que foge como’umha’excrecência
Dumha’alma desumanizada
Que tem na derrota’o seu berço, seu leito,
E guarda’esperança nas lojas que topa,
A tal é que veu até’às cem prateleiras
Que tem pola frente.
Chegou o momento de dar acovilho
A’um novo pedaço de mundo futuro
Por lá entr’o queijo e’o leite de soja...
Nom vai ser possível,
O queijo preciso nom é com gordura,
Há ser baixo’em lípidos:
Esse futuro de vans esperanças,
Requer-nos mudar a figura do corpo,
Fazê-lo mais fino pra dar-lh’esbelteza,
Fazê-lo melhor pra virar competente
Na vida social da qu’agora s’afasta.
E lá vai-s’embora sem ter consumado
Um acto sagrado de sacro Consumo:
Apenas comprando
Chegamos a ser competentes
Nas nossas banais relaçons inumanas,
Um corpo de filme, sorriso perpétuo,
E todo’o que dict’o cinema
Pra sermos avondo.
E sais, coitadinho, da loja
Perene, sem férias, sem dias de folga,
“Ficou-m’esquecido lá dentro’algo próprio”,
Já fora descobres... “será qualquer cousa”
Sem dar importáncia,
Mas nunca percebes qu’à luz do Mercado
Virache’em objecto de compra ti próprio,
Comprach’um desejo pra seres
Mais guapo, viril, atraente... chatices do jeito
E quando consegues o’avanço mais mínimo
“Foi um produto,’auto-ajuda, psicólogo”
Aí fica'o preço da tua pessoa, virache distinto,
Co carro, coa roupa, coa'“imagem”
Ti próprio’és produto, também quem consome,
Consome-te logo.
No’entanto na loja, por perto do queijo,
Ficou reservado’um pedaço dum homem,
Aquilo que temos sem compra nem venda possível,
Aquilo que perdem as gentes aos poucos
Nom sendo’esses poucos que sempre se tenhem solertes:
A'espontaneidade

Andeis

2011-09-25T19:04:00.000-03:00

Como numha verbena rodeado de gente,

como numha feira sem gente,

só penetra no meu coraçom

o mais infame dos silêncios.

Já nom há carreiros nem estradas nas que consumir-se

rematou a verbena do hipermercado.

A única música é a dun pentagrama recortado

polas tessouras austeras que atesouram

os lucros dos novos faraóns.

Verde. Passado. Cinsento. Presente. Negro. Futuro.

Dinheiro. Gente. Petos. Maos espidas. Bágoas.

Escotes. Rúa. Barulho. Morte.

deuses. muros. carros. luxo.

Sólo de Trompeta

2011-09-22T19:24:00.002-03:00

Passo nivel da Florida, Monforte de Lemos

Coma sólo de trompetas numha noite de verbena
Penetro nos coraçoes desprotegidos e fago chover seus olhos.

Coma se puideramos acender-lhe lume ao fogom já consumido.
Avantar por carreiros vadeados e saltar ao chegar a algum deles

Coma se puideramos planear sobre os teitos e as cirdeiras.
Sólos de trompeta se introduzem passenihamente mentres miras orquestras.

Tojos máis alá da parcela.

Mundis Transeuris

2011-09-22T13:56:00.001-03:00

A través do mundo topar

umha vez lh'autra

hervas de namorar

e lourenços de sucre

num verao verde uva.

Abanear em primavera

ao vento e chuva.

Vindimar

andar tesos

na ribeira,

Reconhecer no nosso esforço e suor

a cara dos antergos.

Pois é a história a história do sacrificio.
Fazer da incerteça pacência
trafegar no xeito mais acorde
de alinhar a ensalada mais rentável
de ser melhor e mais eficiente.
Dumha beira autra somhar
com ir e vir e voltar virar
a noite em dia e o día em noite.

DEPOIS

2011-08-26T22:43:00.004-03:00

Agora’as palavras deixárom-m’inerme
Perant’o planeta’em que vivo,
Agora que som estrangeiro no mundo.
Nom ouço clarins nem timbais vitoriosos
Depois da contenda final,
Os nossos previstos entrárom em crise.
Agora’arrepios agromam ao quente
(A voz escapou-nos do peito)
Agora’os glaciares invadem desertos.
Já rincham os ferros de todas as portas
Depois do silêncio da’orquestra,
Cantares de mudos, sol-pores de cegos.
Agora’um comboio sem luzes, só’estrondo,
Oprim’o caminho de ferro
Agora sentimo-lo’a rente de nós.
Sentimos salgada’essa brêtema fria
Depois de cingir-nos no mar
Levando-nos sempre pra’acima no rio.
Agora’apodrecem algumhas ideias
Que tinham em nós agromado,
Agora’as serpentes mudamos camisa
E todos os cans ficaremos sem trela.
O MUNDO QUE VEM NOM É NOSSO,
As cousas som novas, perdêrom o nome.
O MUNDO QUE VEM NOM É NOSSO,
Os velhos pecados morrêrom no’Olvido.
O MUNDO QUE VEM NOM É NOSSO,
Ninguém sabe nada de tais bosques virgens.
O MUNDO QUE VEM... É DEPOIS.

In dubio pro reo

2011-08-24T22:48:00.000-03:00

E voltaram bretemas irmão
da pronta manhá rejurdida
seram fondas, estiradas, tupidas
levarão rio abaixo todos os cangalhos.

(Poderemos caminhar da cabalo delas)

Remaram cara arriva
os que a corrente seguiam,
mas não veram nada
porque só florecerán silvas.

Virá para os altos
cumes de neve branca
do fondo da ladeiras.
Nascerá gelo dos regatos.
Estalactitas!

Haverá após dos mortos
umha voz xorda e rota
que abrirá a terra agora ignota.
Um berro sim gorja
para quem esqueceu sua história.

Virá virá virá
as bágoas seram tam acedas
que não sairam.
Volverá volverá
aquela manhá.

À VINDA DESTA NOITE

2011-08-22T13:46:00.002-03:00

Co próxima que fica
A noite que se chega
Despertam as estrelas
Dum sono luminoso,
O sol vai-s’embora’ao chegar as sombras.
Aos paus da luz, estéreis,
Secou-lhes, imaturo,
O fruto da cimeira
Que já nom ilumina,
Guardamos memória das velhas formas
Enquanto resistem à’Escuridom.
Já’orvalha de contínuo
E logo geará
Mas nom atereçamos,
Fagamos ess’esforço,
Havendo companheiros
Jamais ficamos sós.
As mans preparadas, colhendo forças,
Já ventam trabalhos que s’ham fazer
Nuns tempos que vam resultar difíceis.
A lua’está de férias
Nom anda perto nossa
Pra ser qualquer ajuda,
Enquanto’um véu brumoso
Recobr’os nossos olhos
E dá fortuna’às bestas:
Impede-nos o medo
Quando’é tam necessário
Poder fazer sem travas.
Nom podes ficar inactivo’agora,
Dos fôlegos teus há nascer Futuro
Que mat’o Passado virado’em sombras
E traga’afinal a Manhám de volta.

Fazer-lhe as janelas

2011-08-19T18:38:00.000-03:00

Agora podemos fazer-lhe janelas
agora que a noite se estira
e as estalactitas escurecem
as nove da manhá, no moredo.

Mentres o labrego dorme
podesmos romper-lhe as paredes
a este palheiro recheo do grao
levado do demo.
Naquel pacto decorosso
naquela barca com o home.

Agora que o sabemos,
podemos fazer-lhe as janelas.

Umha janela para entrarem ares novos

2011-08-12T14:49:00.005-03:00

Ao jeito d’aranhas os bechos humanos,
Moramos na nossa’aranheira d’ideias,
Conceitos e sonhos comuns amais próprios.
Ao jeito d’aranhas tecemos por dias
Morada pra todos poder acolher-se
Do tempo’inclemente que ronda lá fora.
Alguns ainda fazem a teia dif’rente,
Nom tentam cuidar o qu’é seu simplesmente
Senom que s’importam da casa de todos.
As outras aranhas, desabituadas
Dos modos bizarros das mais disidentes
Retiram-lh’o trato e’as olham de lado
Deixando-as sozinhas nos tempos difíceis,
Até qu’afinal as rebeldes admitem
A sua loucura e’ausência de tino.
A norma daquelas que som mais sensatas
Resulta (contodo) por fim ser escrava
Da moda moderna (de certo’insensata)
De dar às moradas aspecto barroco:
“Mais fio, mais fio!” Incita’esta moda
(Consumo, lhe chamam os tolos da’Estória).
Entom a’aranheira se vê transformada
Em muro de fio, d’ideias espessas,
Que fijo virar em tam pouco’intervalo
A casa comum em prisom para todas.
“O mundo’anda tolo” protestam seguido
Mas lá nom entendem, nem querem tal crer,
Que som responsáveis do triste presídio,
No qual, inconscientes, proseguem imersas.
Agora só falta qu’aquelas percebam
Qu’aquele que fia desfia’igualmente.
SE DANTES PUIDEMOS ERGUER ESSES MUROS
AGORA PODEMOS FAZER-LHES JANELAS.

"We know you can be anything" (Uxío Novoneyra

2011-08-09T23:35:00.001-03:00

Nós os perdedores de hoxe,

para os que o perderon e deron todo.

Nós os derrotados

a terra queimada de carthago

os portadores da caixa

os reconstructores.

Nós unicamente os violentos

Hóstia hóstia hóstia

nos fucinhos e as costas.

Quen somos nós

Os saqueadores

Os terroristas

Os Bin Ladem

Os asasinados.

Os mortos vivos

para os nosos mortos

a-sa-si-na-dos.

Deixados e abandonados

nós sós, noite sempre nosa

cunetas enteiras de homes

son as nosas coitas.

Violencia

paro

violencia

explotados

violencia

desahuciados.

Quen somos nós

nós somos a intifada

o terrorista, o criminal,

o asasino asasinado.
Os violentos aos que eles matan.

Nós somos a categoria

na que o sistema nos ten

CA-TE-GO-RI-ZA-DOS.

gostaria

2011-08-06T19:54:00.002-03:00

Gostaria dos nom-serem
Qu’ainda’a miúdo’estranho tanto
Cousas miúdas e singelas
Qu’escurecem numha’ausência
O viver do ser humano:
Um dormir coas costas quentes,
Nom sentir ess’ódio’ao próprio,
Partilhar algum segredo
Dos que moram na cabeça
De quem sonham entr’insónias,
Viajar a’algum momento
Em que ria como’um neno
Nem importam os motivos
(Pois agora nem consigo),
Nom sentir-se miserável
Mesmo por qualquer palavra,
Por qualquer absurdo feito.
Gostaria de viver
Dias novos e nom velhos,
Nom sentir apenas tédio
Quando nasça’o sol de volta
D’afastados hemisférios
Onde morem outras gentes
Que consigam, como’os nenos,
Rir por causa dum mistério...
E’esquecim há tanto tempo
O porquê do rir sem causa
Que nom sei nem como aja
Pra perder o medo néscio
A’essas línguas miseráveis
Que nom sabem brincadeiras
Que nom sejam dos segredos
(fantasias, muitas vezes)
Dos que querem ser ingénuos.

Sursum corda

2011-07-31T21:16:00.000-03:00

Umha selva virgem

de espécies insinuadas

mestizadas polo devalar

da Estória,

Transitam na face

deste reino, de taifas.

II.

Eu quero trabalhar

fazer da minha vida

umha vida onde poder

erguer umha história

que seja minha.

S o n h a r ,

com ter máis

e nom ter menos

com ir a máis

e poder mercar-lhe

a um meninho

umha bolsa de pa ta cas

f r i t i d a s cando a estaçom

esteja pechada no inverno.

Eu fazer , constru ir

a minha identidade social

ter um algo polo que dizer

som eu, aquel que é o que fai

psicóloxia de h omes

buscando um aquel.

Mas é cri se

homecrise de pa ta cas

fri ti das em esta çons a bertas

cara o lugar onde ninguem

vai

vai- TE

é lerne noite

na amanhecida

é azul cobalto

no coraçom

é pandora malcriando

aos seus filhos

por umha zanahoria

por um pao

um saxofom.

Vou,

Vou

por umha selva

selvagem

matinando entres as feras

que som

que es

que é

identificaçons sociais

do que som

e do que querem ser

Prévio pago de

suor

tempo

tenhem a costa de

pa de cer

mas nom som

coma na minha selva

sofri dores sem terra

que arar ou sementar.

Estou

acendendo umha bom bilha

em hallam ou saint John street

com a suor de

geraçons enteiras

que me trouxerom aquí

e que possívelmente

nom volvam vir.

Nom podo ser

quem quero ser

tenho que ser o que som

um ninguem coma quem diz

um balbino tirando pedras

ao baleiro espaço da devesa a rrin ca da.

E vou,

indo coma quem vai

selvagem

entre selvagens que si podem

ter

um contracto social.

Um acto social

um sonho de esperança

queimado na caixa das virtudes

que já se marcharom

ao candor dos deuses

que matarom aos

meus.meus.meus.meus

Esta noite

é a noite

a noite é

na que matino sobre nós.

Nós sós

sós nós

o barco nós.

os meus sós nós

os que se forom

os que aínda som.

Férias feriadas de verao

2011-07-28T10:33:00.000-03:00

Orfeu lisca entre a tremosa corda

da insegurança

dum peito que já nom é o meu.

Perante o abismo do futuro

erguem-se os interrogantes e o medo

como coro trágico da mocidade galega

como preságio saudoso

dumha vida que maltrata os valentes

e condena na incompresom os generosos.

E aqui jaz Antom Fente Parada

em parada cárdio-repiratória

saudoso de saudades morrinhentas

ecoadoras dum eco que se apaga

no desengano cruel da aprendizagem vital

sempre inconclusa.

Som pedra tenra de sentimentos

que guardo numha artesa

sob as sete chaves do medo,

da inquedança,

da incerteça,

da insegurança,

do amor,

do desamor

e da esperança.

A chave mestra já nom a tenho eu...

perdeu-se no estantio das estrelas

onde Antom Fente nasceu e morreu

metido num quadro fotográfico

composto de pena e de amor.

Nom há bágoas neste passamento

só o teu nome marcado a fogo

na apodrecida tábua do meu peito.

Longe ouve-se umha voz...

se calhar fala de reencontros.

2011-07-28T10:23:00.000-03:00

Velho paxarinho conta-me hoje
junho de 2011
que foi daquele rapaz rebuleiro
que tu conheceches
e que eu esquecera.

Di-me como lhe foi.
Se algumha vez foi feliz
e por quem derramou as suas bágoas.

Dá-me conta das suas arelas
e se ainda vive entre os cínicos
en convívio com um galo sem penas
com as mulheres e homens de Platom.

Talvez nom vejas isto no teu ninho
e os vossos coraçons
-páxaro sem asas nem peteiro-
estejam soterrados no ichó
descarnado do desespero.

Ave Caesar

2011-07-17T01:00:00.002-03:00

Ave, Caesar, morituri te salutant

Odeia-me com essa carragem indiferente
Faz-me bonecos budú e arrastra-me
É possivel que a fim e ao cabo nos comam
a todos os no nicho os vermes.
Odeia-me sem paixom
Faz-me da minha pel bombos e tambores
Des-pelexa todo canto digo
antes ou despois importará
que terás raçom. Has ganhar.

O filho da terra

2011-07-13T20:56:00.000-03:00

"Trabalhar, Trabalhar, deica cegar lhe enxordar"

Uxío Novoneyra

γη έργο

Filho de labregos,

neto também o é.

Um ninguem coma quem diz

Nascido por obra da espécie

maiormente máis evolucionada

para o caminho lento da súa extinçom.

Filho de labregos em París,

Neto também o é em Madrid

Bisneto o há de ser em Londres também.

Um ninguem coma quem diz

mirando a través da eternidade extinta

das geraçons erguendo ribeiras a mao.

Sempre serás, Γεώργιος

Nom se posse deixar de ser que se é.

E ti quem queres ser?

RAIVA DEFCON-1

2011-07-13T15:48:00.003-03:00

Nom sentides manos e manas
Essa raiva’acumulada?
Tenho-a’eu cá entr’as entranhas,
A ferver, mesmo nom pára...
Mas contodo
(Quando’o ouço m’incomodo)
Muita gente diz’agora
Qu’a’injustiça faz a norma
Que de sempre foi o conto
Nem há cámbio que se poida,
Que s’entenda
Por palavras mais singelas:
Bem s’atura tal tragédia
Já nascemos todos nela
Mais sofremo-la sem queixa
E direi-no pola mesma
Sem que seja tam confuso,
Pois no fundo
Há’equilíbrio neste mundo.
Tás maluco?
Todo’é tam escuro’e duro
Como nom acordo nunca,
Isto’é merda, estado puro.
É momento
D’os pomares darem fruto
Mas tá podre de maduro
E nom dá mais pró futuro.
Que’aguardamos?
A que falem nossos amos,
Recebermos seu bom grado
Pra cumprí-lo de contado.
Ainda máu,
É melhor este tirano
Qu’algum outro desgraçado
Qu’há de vir jurar o cargo
Pra correr-nos à pancada.
Traga bílis,
E que baixe da garganta
Como’é uso nos escravos
Ao’acabarem a jornada:
A miséria nem exige
Subcontrataçom,
Tá’isto bom!
Nem me quadra
Este jogo coa baralha
E’a vocês meus camaradas?
Neste jogo quem mais ganha?
Por agora
Ainda temos benefício
Mas s’esgota, polo visto
Fica’apenas sacrifício
Neste mundo qu’herdaremos,
Sejas pobr’ou classe meia
Venceremos
Apesar desses que dizem
Que tá’a cousa muito feia,
Diz que nada poderemos
Ainda que nos lev’o demo.
Que safoda!
Essa classe dirigente,
Psicopata’inteligente
Que nos quer meter o dente,
Olha’os mídia,
Mercenários dos d’arriba
Qu’assassinam com mentiras
Pessoal muito’experiente
Co’argumentos sempre prestes
Pra’encantar os inconscientes
Co’essa língua maldizente
Que nom fala quanto mente.
Tám à vista
Embusteiros muito’austeros
Que nem gente considero
Deles mesmo nada’espero
Que nom seja desespero.
Som dous passos
Os qu’agora mesmo restam
Pra que arda toda’a merda
D’opriminte pestilência
Qu’escaralha’este planeta,
Merda’astracta’amais concreta
Inflamável como’a breia
Qu’amanhám explodirá
Como’à noite de Sam Joám
Pois parece todo calmo
Mas é’anúncio de tormenta.

Mijam por nós e querem-nos dizer que chove

2011-05-31T18:36:00.000-03:00

A Macuzinha, porque do doce e mol do seu coraçom sai o trevom da força do meu peito.

Tebras.
Verbas fundas que ferem como o arame de espinhos
erguido em cilício na catedral da opresom e da dor.

Sons.
Cores espidas que jogam os sentimentos à poça do narcisismo
enclaustrado no mosteiro da carragem espúrea e alheia.

Números.
Días cinsentos e velhos que nos lembram desde o bafo da fiestra
vital em que nos espelhamos o pouco que nos fica por viver...
ainda que outros nom queiram que vivamos.

Mijam por nós e querem-nos dizer que chove.
Da mansedume à autoorganizaçom.
Da indignaçom à rebeliom.

SETE CANTIGAS DE LUZ
PARA UMHA HUMANIDADE DESESPERANÇADA.

ENSÍN MIEU (homenax a Nené Losada Rico)

2011-05-10T15:01:00.005-03:00

Nes míes ales d'andarina
Nnacen vientu ya lluvia fina,
Xiblan perpronto “primavera!”
Nesta mío annada cabera.
Inda me xebra'l munchu tiempu
De la mio muerte col iviernu,
Ensín ser cría como yara
Cuando inda taba na nniada.
Quédame un tiempu escaecíu,
Ya alendándolu adormecíu
Pente suannos escoloríos
Esnalo pa au xelan los ríos...
A mou, calteniendo la vida.

GUERRA

2011-03-04T15:52:00.000-03:00

Adicado a Raíz Verde.

2011-03-01T08:58:00.002-03:00

Dominación en curso:

fuso que taladra o meu sexo famento.

Saída de emerxencia:

Princesas ou putas, indiferenza nas coxas.

Perigo de incendio:

muxir de gusto, berrar de pracer.

Apelativa directa:

Fó-de-me!!!

Elementos afíns:

A miña cama elemento abranxente de nós.

Procesos exclamativos:

Non berres, o teu pracer é-me nulo.

Rutina social:

quérote.

2011-02-24T12:01:00.001-03:00

Bombón de coco que comes a dor:
Os ollos da Gorgona nun conto sonoro,
prólogo que rompe o sono,
solpor monótono onde todo provoca noxo.

Novo morto con bordón de pólvora,
grolo homologado cun oprobio
que non podo romper.

Olor a morto dun pobo que chora complots,
lóbrego mollo que borroso concorre a tocar o sol.
No foso un lobo:
AAUUUUUUUUUUUUUUUUUUUUUUUUUUUUUUUUUUUUUUUUUUUUUUUU

Sede

2011-02-23T10:10:00.000-03:00

En tódolos recunchos
sede de amor
proxectándose nun alguén descoñecido

En tódolos recunchos
sede de ti
proxectándose en ti

En tódolos recunchos
sementa o desexo
destinos comuns
entre as mesmas raigañas
da nada.

Dende o inferno

2011-02-22T18:29:00.003-03:00

Dende o inferno
sen esperanza
sen futuro
agarro con forza a palabra
e re-existo coma un trono de luz
na máis absurda escuridade

Dende o inferno
maldigo
insulto
revólvome en improperios
asesinando deuses xa pasados

Dende o inferno
fago re-existir a vida
baleira de sustancia

Dende o inferno
moldeo a rabia
coma un alfareiro de baixos fondos

Dende o inferno, si, dende o inferno
chegarei a Deus
re-encantando a vida que me foi roubada

JAMBOS À PRIVATIZAÇOM DO MUNDO

2011-02-22T12:01:00.004-03:00

Pairava'um deus no nevoeiro
Por cima dum planeta'informe
Coas cousas todas misturadas
Fazia todo'a mesma massa.
Vontade tivo de falar
Com voz altissonante'e clara
Enquanto dava'à rocha forma
Pra'além da dumha'esfera simples.
Chamou por Ódio'e por Amor
E deu-lhes nascimento'a ambos
(Assim engendra'o deus as cousas,
O Nome cria'a Existência),
E deu-lhes ordens claras a'estes:
“Fazei que se repelam esses
E'aqueles elementos s'amem,
Agide como mais gostedes
E dade vida'à Criaçom”.
Assim s'unírom certos átomos
Enquanto'os outros s'afastárom
Criando-s'água, rocha'e gases
Que dérom consistência'ao ar.
Depois co tempo veu a vida,
Agroma'aos poucos, lentamente,
Amor mais Ódio lá'intervenhem
Fazendo que se desenvolva
Nascendo'assim Evoluçom,
Que dá diversidade'àquela.
A água fria cai à terra,
Inunda'os vales mais profundos
E val-lh'à vida de morada
Um tempo'até qu'está tam cheia
Que sobem peixes parà terra
(Por ordem d'Ódio que lho manda),
Paragem que governam fentos
E bechos miúdos d'oito patas.
Passado'o tempo todo muda
E venhem novas dinastias:
Prosperam uns lagartos grandes
Até qu'un asteróid'enorme
Chamado por Amor à Terra
Dá morte (quando bate nela)
A muitos bechos no planeta,
Depois a'herdança passa'a seres
De muito pelo'e sem escamas
Dos quais alguns se fam mais listos
(Co'engenho'e mais coas ferramentas
Conseguem o que nega'o corpo)
Até crescer em grande número
E dar entrada'em pouco tempo
Ao reino'hodierno dos humanos.
Daquela'o deus ficou pasmado
Ao ver aquilo qu'iniciara,
Deitou-se na'erva que gromara
Sob pés divinos lá fincados.
Nom deu passado nem por sono
Ao vir lá'um homem a berrar:
“Levanta-te daí, mangante,
Aqui'este sítio já tem dono,
S’agora nom te vas embora
Terá de vir por ti'a polícia!”
E foi-s'embora, espantado.
A’um rio próximo chegou-s'a
Beber um grolo d'água fresca...
Também nom puido, pois chegou
Daquela um guarda pra'informar
Da propriedade qu'os seus chefes
Ganharam sobr'aquelas águas.
Zangado'o deus subiu a'um monte
Co fim de respirar ar puro,
Nem isso puido'o desgraçado:
Um gajo co'ar engarrafado
Contou-lh'entom qu'o ar de lá,
Tam limpo'e sem contaminar,
Pagavam-no'a bom preço'abaixo
Nas grandes urbes poluídas;
Propuxo-lhe fazer negócio,
“Ti pós dinheiro e'eu a'ideia”.
Botou a'andar o deus contendo
A raiva'acumulada'ali
E foi buscar a'Amor e'a Ódio
Pra ver quem foi o responsável
Do'invento'aquel' da propriedade
E'rebentar-lh'os dentes todos.

Cileirom "dos tesos cumes"

2011-02-16T12:56:00.000-02:00

Hoje vou probar algo novo máis que escrever aqui versos, vou a probar com umha improvisaçom de poesía no que eu chamo "Cileirom dos tesos cumes" lembrando ao "Caurel dos tesos cumes" de Novoneyra. O video foi feito em Cileirom, na ribeira do Cabe em Pantom e mirando para Sober que é o lado que se ve junto com o túnel e a ponte de ferro do trem. Um trem que dentro de pouco polo que se ouve deijará de levar passajeiros em favor do AVE que virá por Ourense, está velha vía que foi empregada por todos os nossos devanceiros para ir as vilas e cidades galegas quedará só para mercancias, ou esso dim. Assi pois deixo-vos com atrevemento esta improvisaçom de cileirom agardando que máis gente se anime a fazer cousas así e, que caralho, se gosta algumha máis podo ponher.

Poesia feminista em Cima de Vila

2011-02-11T18:59:00.000-02:00

As mulheres tenhem dereito a serem putas
a foder manhá com João e pasado,
com o da casa d'alá baijo.

Sõu seres não sõu objectos
e podem foder, chupar ou galopar (Podem ser quatrualbas).
podem e devem ser mulheres
devem ejercer coma tal.

As mulheres tenhem dereito
a que as bragas lhe sejam arrincadas
com os dentes ou as linguas.

Podem ponher-se a quatro patas
ou a dúas e meia.

As mulheres som sempre, mulheres.
Os homes som sempre homes.
Os homes som mulheres, as mulheres homes
Nada os diferência excepto o sexo.

Glayan los mozos, retozan los banqueros

2011-02-08T23:24:00.000-02:00

Empezar a texer nel mio corazón
les cuerdes ruidosas de los mios silencios
de viello combatente ensin más banderes que les sos idees.
Espertar y esnalar col deséu tuerbu
del pozu fondu de los mios güeyos.
Ser y reconoceme nel fala de los güelos.
Maguar nuestres acortoanes espranzas,
¡mozos y mozes!,
cómen-yles los gochos
como cascada en rigu seco, collacios:
ensin esperanza, ensin novedá...
n'Asturies, na Galiza el cantar de redençon
tamién llegará.

JAMBOS AOS CRÁNIOS DISSIDENTES E ÀS BALAS DE CAUCHU

2011-02-05T15:11:00.001-02:00

Subiu Moisés ao Monte Santo
Pra ter co seu Senhor e deus,
O qual causou um grand’espanto
Ao’antigo povo dos judeus.
Profeta velho nunca morre,
Pois deu chegado’em corpo e’alma
Aos céus da cima da montanha
Cansado mas guardando’a pose.
“Eu som quem som” lhe dixo’o Alto
“Ninguém duvida” diz Moisés,
Seguiu “Aprovaremos hoje
A Nova Lei dos homes livres”
“Qual é’essa Lei que nos prometes?”
“Aquela que liberta’escravos;
Nom vades ter de ser submissos
A rei nengum que vos dirija,
Pois tendes plena Liberdade”
As lágrimas brotárom logo
Dos olhos secos deste home,
Enxuto polos paus levados
Da mam d’antigos opressores:
“Que boa nova nos anúncias,
Senhor do céu, do mar, da terra,
Ao povo’errante do deserto!”
Javé deu passo’a cousas miúdas
Fazendo caso’omisso’ao público:
“Sabei que tendes já direito
A ser judeus, pagans, ateus...
Sem dar origem a castigos,
Podeis comer serpent’ou porco
E nom iredes contra’a Lei.
Permisso tendes pra comprar
Qualquer produto que queirades:
Nom é vetada desd’agora
A liberdade de consumo.
Podeis até’opinar de todo:
Fazede sempre compra crítica”
Rompeu Moisés o seu silêncio
Julgando ser seu deus amigo
-Pensou que fora conquerida
A liberdade da’opressom
Por graça e’obra de Javé-:
“Que grande és, senhor de todo,
Agora já será possível
Falar sem medo’a represálias,
Seremos soberanos todos
Do mando sobr’a cousa pública,
Teremos direcçom daquela
Na nossa própria’Economia,
É pronta já irmans e’irmás
A castra’e doma do Mercado!”
Turbou-s’o rosto do Senhor
E foi pra fora do cenário
Pra dar-lhes parte d’inmediato
Às forças de seguridade
Dos actos radicais dum velho
Qu’atenta contra’a propriedade.
Chegou a bófia logo’ao sítio
E fijo roda’en volta dele
Entom apontam para’o pobre
Abrindo fogo sobr’o alvo...
Ficárom-lh’as ideias claras!

A estaca-vara

2011-02-04T21:23:00.002-02:00

Era noite, o caminho estava espúreo

Quiçais a noite era limpa e clara,

Geladas ardentes sem pausa a secavam.

II.

Berros fondos chegavam ao silenço

Mas os ouvidos não ouviam nada

Berros fondos a golpes o afogavam.

III.

Era um ser sem ser. Esencia emser.

E ao fim chegou, escuro, com estar estava

Na limpa e clara, dês-cafeinada,

No brilho matinal da madrugada

Na hora dos toupos e a auga.

Estava ali, de pé, já nom sonhava

Com poesia, palavras, ânsia.

Era dono do seu destino,

O patrón da súa barca...

Tinha na súa mão umha estaca

Tinha no peto umha bala

Tinha inferno, tinha odio.

Mirava mirava mirava...

Já nom tinha, nada.

V

2011-02-03T00:27:00.000-02:00

"¡Juego mi vida!

!Bien poco valía!

¡La llevo perdida

Sin remedio!

Juego mi vida, cambio mi vida

de todos modos...

la llevo perdida."

León de Greiff(1)

Jogo a minha vida

Coma se joga-la não doe-se

E regalo-lhe ao mundo

Umha moeda mais

De latom

no flujo circular da renda.

Vou-na levando, regalandoa,

A preço de saldo

E invento cantigas

De adolescente

Para namorar a umha dama.

Excuso-me, rejeito-me, dês-fago-me

Re-invento-me

No tapete escuro da noite

Que a Cima de Vila ergueita

Reclama.

Jogo a minha vida

Como se joga-la não doe-se

Regalo-lhe ao mundo

Um novo cravo.

Tiro-a póla ribeira lonjana e perta

Que eu não entendo

Que os meus alisados cadrís de coro

Não atendem.

Ponho-a a disposiçom da loba

da sua espada sempre sedenta

e dou-ne sem pedir nada

nem tam sequer um bico de boas noites.

Vou-na dando extranha

vou-na trazendo d'umha leira

"autra"

ela já não é minha,

a minha vida já não é minha.

Jogo a minha vida

Coma se joga-la não doe-se

E regalo-lhe ao mundo

Umha moeda mais

De latom

no flujo circular da renda.

(1) Recoménda-se encarecidamente a aqueles que nom conhezem a composiçom de León de Greiff a leiam.

Palavras de Pandora

2011-01-31T21:56:00.001-02:00

Barqueiro,

Ves a min esta noite

Tocas meu coração

Fas trabalhar minha cabeça

Coma quem visita

Musas do olimpo ou

Deuses inmortais na memória colectiva.

Meu barqueiro,

Ti sempre soio

Neste nosso mar

Que é da terra,

Que é o da nossa olhada

Desde o Faro a Corcubiom,

De Cima de Vila deica Viveiro.

Irmão barqueiro, irmão do mar.

Ti sempre remando neste nosso pranto

Sangue do nosso sangue.

Pam do nosso pam.

Meu irmão Barqueiro,

Na tua noite vou na minha

E miro, cruzeiros do sul,

Num velho desterro.

Levarom a consciência

Mas fica ainda, enterra, a raiz da cepa.

Rema barqueirinho, rema,

Que fica ainda neste noite moito mar.

Vai-lhe dando meu amigo, leva-nos,

Nós não veremos dia

Mas nós faremo-lo chegar.

Nas beiras de Babilonia

2011-01-31T19:22:00.000-02:00

"Rema barqueirinho rema

por a beira da marola.

Rema barqueirinho rema,

bota-me deste mar fora..."

Antonio Amigo

(Compositor e Canteiro Galego,

esqueceido na eterna noite da historia)

Na lagoa de Vilauge, Chantada, na Galiza Mágica

Á pátria sacrificada no altar abnegação

Polo meio dos caminhos recorro
um mar que leva ao fondo dun encontro.
A história esquesce os bos,
Niguém lembra aos generosos.
Desde o Outeiro deica Vilameá,
Desde a Paredinha a Vilar
Vai um barqueirinho a remar...
E com ele vou eu polo mar,
mentres em cas debaixo
nom fica ninguem para cantar.
Ao berro fondo dos curutos
quixerom fazer calar
mas queda aínda um barqueirinho
que aínda está a remar.

Abrentes

2011-01-22T10:22:00.007-02:00

No cinto da derrota

Na soga da sede celestial

Nos desertos da raçom

E nas praias da mentira e da verdade

Eu vejo amor. E olvido. E desolaçom.

No silêncio do universo

No falar dos utensílios

No fulgor da escuridade.

Facendo-se o mundo

Umha e outra vez.

Da-me pena os paxarinhos

eternamente tezendo

Um manto florido de notas.

Cada ano, cada século, cada milênio.

Infame é, se for, esse deus.

Eu vejo amor, E olvido, E desolaçom.

Umha e outra vez.

Infame é, se for, esse deus.

QUODSCRIPSISCRIPSI

2011-01-17T14:00:00.000-02:00

"Alegres animales,

la cabra, el gamo, el potro, las yeguadas,

se desposan delante de los hombres contentos.

Y paren las mujeres carcajadas,

desplegando en su carne firmamentos",

Miguel Hernández: "Juramento de la alegría".

"Aparece la hoz igual un rayo

inacabable en una mano oscura",

Miguel Hernández: "1º de Mayo de 1937".

Com dor ontogénica alimanhas

transitam polo quarto esquecido

a mala, o barco, o caminho-de-ferro

Francoforte, Bos Aires, Barcelona

a roupa negra torna camisa floreada

se o nostoi nom tem cantos de sereia

velho, canso, mas na casa

apalpa as contas do rosário da morte

neto, filho e pai de perdedores

essa herança no sangue levo

essa inacabável mao obscura

dos que sempre perdemos

dos que sempre (porém jamais) emigramos

quem seiturará agora se nos imos?

quem libertará as aldeias pantasmais?

quem deitará com raça

a suor nos bacelos da vinha?

Perdidos na dor da derrota

exilados da vitória e do manhá

a perda dos perdores é a nossa Ítica

só quem nada tem, nada perderá

E ao que tem dara-se-lhe ainda mais

enquanto ao que nom tem tirará-se-lhe

até o pouco que ainda tem

Parem os braços fouces e martelos:

cesse tudo o que a antiga mussa canta

que outro poder mais grande se alevanta...

-. QUOD SCRIPSI SCRIPSI...

Irmás e irmaos

2011-01-14T23:43:00.000-02:00

Independência das minhas dependências
No que concerne à arte poética
Do que mais gosto é do jogo
E do arrecendo a palavra desterrada
Polo género de sentimentos que me embarga
E encerro sem nostálgia na Palavra
Na forma mais efémera e eterna
Dos desejos que esta pena encerra
Entre livros, gentes e poemas
Noctámbulos de derrotas e de arelas
Caducas no sol-pôr dos descridos
Impávidas no peito dos teus filhos
Armados, Galiza, com a apócema do teu nome.
!

500 anos nom som nada. Ladaínha de aninovo

2011-01-10T16:14:00.001-02:00

A cadeira do tempo
derrota a inmensidade oceánica
dun pobo asoballado
pola dor de perder a quen se ten. Soraya Cortiñas Ansoar, poeta chantadina, no seu poemário a-Mare ai-Alma.

Os bois bons e generosos

aram no caudal salgado

dum mar gelado

onde nascem repolos,

remolachas e chiroubeas.

Em mar aberto pescaremos

a anciá desconhecida LIBERDADE

deusa onipresente na boca-podre

dos opresores da boca-pobre.

Há um pesebre com erva na corte,

umha masseira em que sempre se deita farinha

de milho e bica de Trives nevada

de açúcar e bola de centeu da Ulha.

Os mesmos marraos sem vinco

foçam reforçando-se a força de folgar.

Bufa o vento na burata da nossa casa caída

e mianha no palhar a fruge da cadela pairida.

Som ruralista. Som seica de la aldea.

Som pequeno-burguês. Som seica senhorito.

Som simbiótico, antibiótico e galo de peleja.

E a minha caralha nom cicha, mija missando

este requiem dum povo assobalhado

que na eira e no adro

com retranca se ri ainda -moribundo

e com boina- do seu amo.

Rego a rego, labrego;

palada a palada, albanel;

cerveja na tasca

e leite com mel.

E é que este ano tampouco

[a "vanguarda" e os "proletários"

(formosa abstracçom M-L)]

nos figérom a revoluçom...

nem o amor.

Rego a rego, galego.

Verso a verso, labrego.

tempo

escorre-se

deste

relógio-de-areia

BOICOT

2011-01-06T17:00:00.000-02:00

Dispensas

2011-01-03T00:58:00.000-02:00

Envólve-me o velo tibio da santa noite

e cráva-se-me pouco a pouco em cada um,

finíssimo e débil, fundamental

a vez que necessário oso...

Algum dia seram menos ainda, mortal,

seram polvo...

Mais eu nom precisso a persistência,

nom creio correcto arrabunhar...

a madeira,

as sabas,

a pel,

o vento,

as bragas...

Non creio que seja necessario

re-di-mir-se.

Viver exime.

José Benlliure, A barca de Caronte ou Estigia.

OLHAR DO MEU BAIRRO.

2010-12-28T23:53:00.001-02:00

Nom vedes, meus caros, nos meus tornezelos
Os ténis comestos do tempo,
Da terra, do’asfalto, da chúvia’e dos ares?
Penduram por cima do cham areento
Os figos naquela figueira
(Arrecendem tam perto da noite vindoura).
Os olhos perseguem as ramas dos pinhos,
Perseguem os ventos inquietos
Daquela’inquietude do vivo que morre.
Aqui, nom hai muito, moravam pessoas
Casadas coa terra’e co mar
Que davam as cousas que mais precisavam.
Casados coa vida’e coa morte falavam
Dum mundo pintado por eles
No qual agomarom as súas raízes
Chegavam a ter alimento pra si
Buscando sustento na Nai,
Agora que pouco nos fica daquilo!
Já vedes em todo’o lugar no meu bairro
Uns velhos que morren, e nascen
Uns novos que chegam a’um mundo distinto.
Nom vedes ali canavais e silveiras?
Verdescem por cima de campos
Que negam uns frutos mui caros prá venda.
Nom vedes reflexos nas águas salgadas?
A pesca’industrial leva todo
E pouco nos deixam a rente do mar.
Nom vedes ali rapazada mais nova?
Já sonham cum mundo distinto,
Já sonham com urbes enormes e grises.
Nom sei se já vedes o tempo que fica
Enquanto nom morre’o que resta,
Deixando comesto’este mundo dos velhos,
Comendo’as figueiras e’os figos com elas,
Os pinhos e’os ventos inquietos,
O’asfalto e’a chúvia e’o tempo que come
Os ténis que já nom terei pra daquela
Assi tocarei esta terra
Guardando memória dum bairro’esquecido,
Assi tocarei esta terra
Por última vez a’aguardar pola morte,
Assi chegarei a ter Paz.

2010-12-06T13:53:00.003-02:00

Coraçom de auga-neve

nos suportais enegrecidos

espera o vento do norte

com os membros tolheitos

polo comboio do gelo

e os dintéis do esperpento.

O paxaro morto reclama

- águia, corvo, melro-

a eterna idiócia que ensalça

os beiços de marmelo

a impostura de gravata

e o arado no copelo

fai da terra a sua safra

onde cem nenos pretos

jogam com buxo à bilharda

entre pinheiros e fetos

e esterco que com a auga abranda

como amolece os velhos feitos

onde só o presente manda

pois no semáforo da fábrica

mil televisons estám paradas

e espera redençom em breve

o seu coraçom de auga-neve

na anterga língua das fadas.

Coraçom de auga-neve

cérebros de manteiga

chuchaméis derretidos

alma de escravos e plebe.

Á MANTENTA

2010-11-29T15:39:00.000-02:00

Miramos ao céu

2010-11-25T03:52:00.000-02:00

Houvo um tempo no que eu
também caminhava com os pés nus.
Levava chaleco e guarda-costas,
era a vista de todos um homem bravo
ninguém ousava mirar-me.

Eu tinha o mundo nas minhas mãos
ninguém me tossia.
Houvo um tempo no que não era
um escravo.

Esse tempo marchou
foi-se o verão
veu o outono...
Caendo forom
meus sonhos
como vai cabalgando a alopécia
e já não cada vez
que sonhava durmía.

Agora miro, coma todos, ao céu.

CADELA DE FRADE

2010-11-22T16:32:00.000-02:00

Antón Mixiriqueiro

Ti

2010-11-20T20:28:00.001-02:00

Suspiro e miro ao teito

Pénsote

Imaxínote

Recórdote

Algo na túa presencia
é coma droga benigna

Algo no teu silencio
acompáñame

Verba volant

2010-11-17T18:29:00.000-02:00

Ven, que a noite é longa para min

e fanme falta novas follas de papel que escribir.

Preciso acendas o meu corazón aquí

para que o eco fique do seu latir.

Volve, que me falta alento

e as polas do laureiro non deixan ver

Volve, que ven frío e rabioso o vento

e preciso abrigo co que poder ser.

Existir por algunha razón

ou motivo que non sexa o extravío.

Porqué hai despois de todo amor?

e se todo termina mal por qué é esquio(3)?

Scripta manet, Escribir,

por qué queremos per(2)vivir?

Mini-saia pastoral

2010-11-07T22:29:00.002-02:00

"Pinta sobre o marco da túa conciência

com sangue do carneiro que te emprenha", Jorge Pérez Árias

Deixade que os meninhos se acheguem a mim
para verem o lagarto pintado
que move o báculo
na saia de Carolina.

Ao passo de Atila esvaziam-se as ruas,
ensurdece-se sob a tiara a liberdade
que se domestica com porras
até que as conciências ficam nuas.

4 milhons voárom até a Berenguela
e do Botafumeiro sai um insuportável fedor
a medo, a grulheira, a mini-saia pastoral.
Todos os objectivos cumprírom-se.

Eu nom te esperei.
Nós nom te esperamos.
Autonomismo extrovertido e laicismo agresivo.
E o caralho, perdom báculo, é um pau.

Carolina se o pintou, fixo bem.
Na cona da velha nom manda ninguém.
Porque umha cousa é a liberade
e outra a libertinagem,

e este nosso Reino deles
é lugar em que os cegos
fam de Lazarilhos dos eivados.
Eu nom te espero.

Nós nom te esperamos.
Sabes bem, santo dos croques,
que o nosso reino nom é deste mundo
porque para nós o século XIX ainda nom rematou.

Nós esperamos contra toda esperança,
sem Quixote nem Sancho Panza,
república e socialismo para o século XXI.
Porque deus também é ateu.

Consumatum est.
Ergue o teu rodo,
porque rapazes
nen sequer o vento é noso.

re-ordenando

2010-11-05T20:19:00.001-02:00

Pesquissa no diccionário

2010-10-28T22:45:00.000-02:00

A Héctor Rodríguez, O bambino.

Estas a tempo de preparar-te
vai fazendo-o que já vem a noite.
Estas a tempo de colher as mantas
e apreender com tino a arar com ferro.

Vai preparando para teus pés
ferraduras de caucho,
que já vem, que já está aqui
ti nom o ves mas eu... eu já o ouvim.
Aquí está o que nom se vé.
Aquí chega o que nom queredes ver

Fazei-me caso: o céu vai caer.

2010-10-26T23:32:00.000-02:00

"No meio do caminho tinha uma pedra"

Carlos Drummond de Andrade

Esqueces as lembranças

e resignas-te a viver sem memoria,

Olvidas mas ves a cortadela

falando sobre as mãos com ledícia.

Quantas noites des-tecidas num soio instante,

Quantas silvas cravadas sem sustáncia,

Como perdoar ao vizinho quando o miras?

Pinta sobre o marco da túa conciência

com sangue do carneiro que te emprenha.

Cima de Vila, 24 de Outubro de 2010.

Volver

2010-10-23T18:17:00.002-02:00

Volverá crecer a herba seca
volverá o home á terra
como volven atrás a mirada
os suspiros

A terra que ule
a terra sementada
a terra mollada
con eterno capricho
de humana esperanza

Volver, como volve o infinito
a volver amar de novo

Volver, como volve o desexo
a desexar de novo

Volver, fuxir da nada
deixar atrás o eterno presente
coa humana angustia
dunha viaxe ao descoñecido

Macramés, Parcas, Musas e orgasmos.

2010-10-14T14:36:00.003-03:00

Tecendo un macramé sexual no que as túas sacudidas son o compás da labor, os fíos de cores son os xemidos afogados e a vergonza non existe: fiquei sen pudor.
Parches de nicotina con sabor a orgasmo, ese orgasmo que tanto tentas procurar en min (iluso) e que só de min depende.

Preciso unha muller que osixene o sexo. Demasiado tempo impregnada de olor a home. Quero a Safo outra vez do meu lado.
Preciso uns labios femininos pousados nos meus.
Preciso unha lingua feminina pousada no meu clítoris.

As Parcas nos meus soños.
Musas de Dioniso no meu ventre.

Fuxe de min antes de que coa miña franqueza desfaga o teu ego masculino.

Self-esteem

2010-10-06T07:05:00.001-03:00

Si, ti xa sabes
educáronme no medo

O meu corpo treme
cando pide autoestima

Si, ti xa sabes
son fillo de emigrantes
ir e vir, ir e vir

Sentirse un ningures
en cada curruncho do mundo
é sentirse alguén no universo

Ti xa sabes
o que iso significa

Non ter últimas verdades
non ter certezas
non ter máis que a incertidume
do camiño

Non me pidas, entón
que fale a linguaxe dos anxos
todavía sinto a digna rabia
dun adolescente confundido

Ti xa sabes, si
o que esto significa

DESODORANTE

2010-09-09T14:19:00.001-03:00

Para os Argos deste meu tempo, fiéis cans cegos que ainda aguardam o nostoi do seu dono e para Penélope, este cobertor de palavras, para que a agarime, enquanto nom volta para o seu lar o seu amado Breogám.

«Abaixo a guerra colonial! Abaixo a guerra colonial! Este grito é a primeira e grande preocupação do povo português».

A moa de ferro gira parasitando o ar.

O ínclito trem de altas velocidades espanholas,

AVE Espanha!

As barragens.

Os fios de alta tensom.

A auga cocacolonizada.

As boinas deitam leite regalado

que nace en pronvincias honrado

e logo vam-no drena, drena, drenando.

Os alcolitos e os barblás do nosso seu país.

O vinho de Chantada – Lugo – España.

As palavras mortas e enterradas

nos cemitérios das paróquias.

As suas nossas gestas desportivas

com as cores que no 36 nos esganárom.

As nossas cidades monárquicas

vam-se drena, drena, drenando.

El pulpo à feira sabe mejor

con libertaZ y austeridaZ,

sin la singular imposición

que produce descomposición.

Deixade fazer,

deixade passar,

a brigada de demoliçom e limpeza étnica.

Glotofaxia e etnocídio.

O Sil é o seu carreiro.

O monte carvom e indústria.

Troquemos labregos por javalis.

Os acidentes laborais som míngua de recursos humanos,

os atentados patronais som disciplina para a força de trabalho.

Os moços.

A tua melhor geraçom mai nasceu eivada e velha.

Este vai-se e aquel vai-se.

Galiza todos se vam,

mas chega a bula papal para as gaivotas,

um passo adiante e outro atrás Galiza!

Moçambique, Guiné, Angola,

Macau, Casamança, Timor,

Brasil, São Tomé, Goa...

e a teia dos teus sonhos nom se move!

Saudade. Arredores sem roçar

e as lapas ardem os antigos eidos

preenchendo do eterno carbono o céu;

ou Galiza boi de palha!

Jaz aqui (privatizada, cativa e alienada,

domada e castrada)

a derradeira colónia de língua portuguesa...

Já nom aram os bois,

mas seguem-nos dizendo que chove.

Todo-nada

2010-08-29T07:58:00.004-03:00

Pensar

Re-pensar

Compartir

Amar sen cadeas, sen límite

Cambiar a vida

Iso era todo

Queríamos fuxir da nada

Da noite os sonhos

2010-08-23T21:03:00.000-03:00

No meio do monte espreito aos pajaros

e fito de lonxe voar suas novas ninhadas...

Vejo-os marchar umha outra vez em setembro

e pergunto sem teima para os meus adentros...

Balbino, onde é que vam os pajaros morrer?

E os coios calados entre herbas contestam

que os pajaros nom morrem que eles ecoam

no mito e no logos no ciclo da auga, no sol e no vento.

Os pajaros, Balbino, nom morrem que marcham

ao som da muinheira ao chega-lo setembro.

No meio do monte observo bulir cara algures

pajaros quiçais que forom mulheres enxendradas de sonhos.

Observo bulir os pajaros cara ao sol do verão, cara noite.

Balbino onde é que marcham os sonhos?

O baleiro mundi em pecatta.

2010-08-20T20:18:00.000-03:00

Os sonhos ficam entre os coios das paredes,

também arrombados no faiado velho

nas cepas da ribeira e entre a herba outrora verde.

Ficam ali agardando a ser de novo posuídos,

agardam que o seu dono os saque do silêncio.

O vento peitea o val coma sempre acesso

pola lúa secular e nova que fai medra-la vida

e onde há terra pode que haxa cedo muitas silvas

que conduzam com seus picos aquel infame día,

em que os sonhos ficarom deitados nas lameiros,

entre os coios dos caminhos, nas uvas verdes, nas paredes.

Os sonhos ficarom sós e solitários, desherdados.

ficarom para sempre petrificados em desejo...

Em facho preso que nom alumea rem,

em caminhos da noite que nom falam

nem som feitos tampouco por ninguém.

Os sonhos vezam que som sonhos

como veza a vida qué etérea, baldía.

As vezes o simple é o perfecto.

As vezes os sonhos som da noite.

Teima vida teima

2010-08-19T21:51:00.000-03:00

Sonha, teima em sonhar,
para deixar os teus sonhos entre as pedras
que levantam as paredes da tua temporal morada.
Teima em seguir com castelos de fume babelianos
para perder a voz no eco da ribeira rega de suor.
Eleva cada noite os teus sonhos ao cenit
ora et labora para divinidades justas e piadosas
e ve como o teu coraçom se consome ao ritmo
dos pasos dos bailadores na verbena do verao.
Sonha, teima em sonhar esta noite e mais a outra,
Teima em facer noite vida, teima noite vida teima.

Cima de Vila, Agosto 2010.

By the grace of god

2010-08-19T00:26:00.003-03:00

Cen veces, repetiu

Por Deus, parade esta guerra
non teño autoridade, mais é unha orde

Por Deus, parade esta guerra, ordénovolo

Dúas balas; unha, no peito, dende o campamento
inimigo

Outra, nas costas, dende o seu campamento

Crebaron o grito da súa gorxa
coma nun lamento entrecortado

Por... Deus... parade..es...ta... gue...rra

Ordénovolo.

Um dia mais

2010-08-17T22:19:00.000-03:00

"...Non chores máis xa non chores non…
Non chores mais , salgueiro probe,
ti non tes culpa da miña dor..."

Andrés do Barro, Salgueiro.

Folha do salgueiro não chores máis,

esta noite

o vento é para quem o respira

e no nosso coração afogado

abaneam as bagoas derramadas.

Não chores que ti, salgueiro,

não tes culpa da nossa dor.

É o horiçonte prenhado

o mar revolto,

o silêncio cómplice,

Salgueiro.

Som-o, os culpáveis.

Treguas de retrincos,

Frechas de agonía e ira

para o poço das entranhas,

Horas malditas que nom soubemos

aprobeitar.

Não salgueiro, nom chores ti,

fomos nós:

As nuvéns, a mareia e os beiços fechados.

Não chores,

somos nós Salgueiro

os que nunca deixaremos,

de chorar.

O mel e a nada

2010-08-11T20:11:00.002-03:00

E caes así, de repente
en forma de pesadelo
coma toneladas de cínica indiferencia
no meu ser

Chove

Arrástrome pola rúa
coma un can desganado
mirando ás cadelas en celo
coma se fosen porcelana gris
nun escaparate calqueira

Mal raio parta a esta nada de medianoite
á mirada taciturna da vella enrugada
fitándome dende o vidro húmido
ao run-run das voces nocturnas
e ás gargalladas de muller, alá ao lonxe
borrachas de viño e do mel da vida

Chove

E caesme así, de repente
en forma de pesadelo

TRADUZIDO DO SAMOIEDO SETENTRONAL.

2010-08-06T22:53:00.002-03:00

Conheço’umha rapaza
Um dia d’invernia
E fico namorado
Da sua formosura
Ao pouco de termo-nos conhecido
As curvas som formosas,
Os olhos e’os cabelos,
Resulta-me todo perfeito nela
Nom é por romantismo
Nem falta de sentido,
Perfeita por completo
Abafa-m’as ideias
Que tenho na cabeça,
Contemplo-a sen tempo par’óutras cousas.
Defeitos nom existem
Em todo’o qu’a circunda,
Em nada que se saiba
Produz-vos desagrado,
Porém dá-me medo’o que representa:
Radiante na figura,
No corpo, no sorriso,
No’aroma, nessa’olhada,
Na casa, na parróquia,
Na’aldeia, na comarca,
No mundo que m’afoga
Pareç’um espelho dos meus desejos
E vejo-me nel, deformada’a cara,
Sen dar aturado’o que diz o vidro,
À vista dos meus sonhos,
Daquilo do qu’eu gosto,
Já feito realidade,
E vejo nel um monstro.

Verdesce cos dias a Primavera
E fico prendido daquela moça
Que fai este mundo mais grande’e verde
Enchendo-o com ar cos seus olhos ledos,
Deixando-me tempo pra ser eu mesmo.
Nom quer conformar-se co seu aspecto:
Nariz algo grande, ou pouco peito
Orelhas grandinhas, ou as cadeiras...
E muitas cousinhas que nom confesso
Pois som os detalhes qu’adoro dela
E fam-nos humanos (ao mesmo tempo).

Límite

2010-08-03T07:11:00.003-03:00

No límite da palabra
comeza a música celestial
do universo descoñecido
en movimento perpetuo

No límite da palabra
falarán os corpos
e os seus cinco sentidos

Palabras que ulen
palabras que tocan
palabras que degustan
palabras que miran
palabras que escoitan

No límite da palabra
na perda da orixe
xermola de novo a memoria
enchendo o baleiro macabro
da nada colectiva

No límite da palabra
na perda da orixe
xermola de novo amor solidario
enchendo o baleiro
dos sementadores de odio

(Traducido do Macedonio)

2010-08-01T08:56:00.000-03:00

Come come come come
mentres ti comes
morrem a outra e a esta beira
os homes.

Estómagos agradecidos
do PP, do PSOE, do Bloque
de todos os sindicatos e partidos
habidos e por haber.

comem comem comemos comem
e a sua/nossa dieta alimenta a umha e outra beira
as misérias
Mentres em cemitérios esquecidos na noite
os filhos da noite
morrem morrem morrem morrem.

É vergonhento viver, companheiro,
é vergonhento em verdade comer e
ver os homens á calor do verao morrer
ante o silêncio escandoloso dos marraos cheios.

- (traducido do castelán)

2010-07-30T07:45:00.003-03:00

As bandeiras flameaban
ao son do vento
e peitos ergueitos e firmes
choraban xuntos as súas bágoas
coma unidos en orgulloso medo solemne

E o confetti caía do ceo
e os soldados marchaban e sorrían
!un, dous, un, dous, un....!
seguindo o ritmo dos pratos
entre o ensordecedor "!viva!" da masa

Aquel día caín na conta
do lambeteiro roupaxe de inocente orgullo
que precede a toda barbarie

Medo (3)

2010-07-27T07:31:00.001-03:00

Medo de medos
medo sen nome
medo ancorado no corpo
medo de amor negado
medo de nenez renacida
medo sen espacio e sen tempo
medo na procura de luz
medo de ausencia do corpo amado
medo á persecución das conciencias
medo aos sementadores de medo
medo á inmensidade do tempo
medo de infinita insignificancia
medo de vida sen recordos
medo ás identidades trincheira
medo a unha vida de medos

.. medo a unha vida sen medo

Ataraxia éxitus est

2010-07-18T15:55:00.001-03:00

O faro apagou-se,

Como hei de navegar esta noite?

Em que partida de naipes

Encalhará a minha balsa?

Que orações rezarei

Desde o meu leito hedonista

Á minha virgem Ataraxia?

Qual será o meu porto

Se o faro se pagou?

Em que calma izarei as velas

Quando o silêncio lostrega no horizonte?

Quando virás Ataraxia

Caminhando sobre as augas

Para afundir a minha barca?

quando calmará a treboada?

2010-07-18T11:29:00.007-03:00

Vuvuzela toca,

toca vuvuzela,

no campo da feira

no palco da orquestra.

Há uma flor deitada no vento,

há um cantar tirado do mar.

A íntima essência ortodoxa

traveste-se de percebe

e os símbolos fálicos

são o guarda-chuvas

da castratio plebis.

A eira é uma vuvuzela

ensarilhada nas nuvens...

a vuvuzela é um touro branco,

as calças pesam de enxotas.

O guindastre da lua

recolhe os cavalos tolos

que vêm da feira

Vuvuzela toca,

toca vuvuzela,

no meio da eira

reuchouchio de flanela.

A flor mais cativa do mundo

ensurdece no gume de facas

e do alambique do sol

destilam-se litros de esperma

que se mexem nas vias lácteas

ao compás das vuvuzelas.

Ainda por enquanto todo bem.

Toca vuvuzela,

vuvuzela toca,

nesta nova geira

de laranjas sem manteiga.

Os homens são vuvuzelas

são números do inventário

dum qualquer banco.

Os homens bailam ao som

das enfeitiçadoras vuvuzelas

sem saberem o que são.

E o caralho é um pau.

Hope

2010-07-16T13:11:00.003-03:00

A pesar do rumor da multitude
e das miradas, anónimas, curiosas

A pesar do ruido incesante
nas xunglas de cristal e fume

A pesar das voces
que entran e saen, freneticamente
posuíndome sen espacio e sen tempo

A pesar das palabras
que parece que enchen
e enton van, as moi condenadas
e esfúmanse coma palla seca

A pesar do recordo
que retorna, terco, insistente
traendo nostalxias e ausencias
a mares

A pesar dos pesares
baixo sorrisos forzados
e consolos inútiles
para agrado de imbéciles

A pesar de todo
de non sei onde
e non sei como
naces do máis fondo do corpo

bisbándome

A palabra máxica
que ordea e empurra
a dirección do universo

... esperanza ....

Meu coração

2010-07-16T10:49:00.004-03:00

Esta terra tem fome

esta terra tem sede

esta terra grita em vão o seu nome

e chora o chão que nada pede.

Esta terra incógnita quer-se sua

e da sua semente;

não se quer alheia e forasteira

para a sua gente.

Esta no cárcere da miséria,

nos Gorgoridas em Madagáscar,

- assaltada e colonizada -

esta Chantada antiga

esta Chantada nova

esta Chantada menina

esta Chantada feminina

esta Chantada - família

esta Chantada - esperança

esta Chantada - Galiza!

A eterna estadeia dos João, Xavier,

Avelino, La Voz del Agro e tantos outros

repenica em coro trágico um

"Chantada ergue-te e anda"

- como em Irlanda, como em Irlanda!-

um Chantada coração da Galiza!

Um passado e um futuro

dos canos do Minho à costa de Matança:

esperança, esperança, esperança!

Esta chantado em ti

esse camaradão tolo e fedelho

com nome coração.

Ausencias (traducido do castelán)

2010-07-10T07:37:00.004-03:00

De tódalas ausencias
a que máis doe
é a ausencia de esperanza
carcomida polo silencio do pobo

De tódalas ausencias
irrita a ausencia do nós
e a indolente arrogancia
de home de estado
sementando olvidos e promesas
coma quen sementa estupefacientes

De todalas ausencias
nin acordarme podo
pois se as xuntase
bañaría tódolos rincons do mundo

De tódalas ausencias
veu a ausencia de futuro
e díxome, che, compadre :

O día de mañán xa non haberá mañán
e entón viviremos nun agora constante
asfixiado por millons de primeiras do singular

De tódalas ausencias
irrita a ausencia de coraxe
mendigando alivios e compracencias
e a voz dos mortos que aínda viven
esixindo verdade, reparación e xustiza

De tódalas ausencias
crece a ausencia de memoria
pavoneando futuros
sementados na máis absurda nada

De tódalas ausencias
temen a ausencia de medo

As máscaras saen por fin
ao baile de disfraces
a música detense
a primeira voz
espida e núa
exclama, por fin :

Gardamos un silencio
bastante parecido á estupidez

2010-07-10T07:35:00.000-03:00

Apareceron de novo
os arquitectos de cavernas
coa súa retórica macabra
expulsando odio polas veas

Non teñas medo

Non te escondas

Non pagues coa súa moeda

Non deixes de ollar o mundo
coa irreverencia do neno rebelde

Non deixes de resultar arrogante
perante a humilde hipocresía do odio

Non deixes de amar coa tenrura
dun vello cascarrabias

Non deixes de sentirte libre
digno
noble
recto
e xusto

Non teñas medo ao desexo

Non pretendas agradar a unha maioría

Non separes as túas palabras do corpo

Non trivialices a dor do "outro"

Non te enganes con finales felices

Todo está comezando de novo
a cada segundo
a cada minuto
a cada hora
a cada semana
a cada ano

Todo está comezando de novo
o seu odio
e o teu amor
o seu medo
e o teu desexo

Todo está comezando de novo
non descansarás
na compracencia
das últimas palabras

2010-07-04T21:53:00.000-03:00

Andandas de grilos cantam esta noite para min

E estreitam o ceu com as nuvens cara ao rio

Um pouco mais e o ceu poderia caer-nos enriba

Da testa.

Neste espaço aos grilos falta-lhe o vinho e a cerveja

Para ver que as estrelas e as nuvens enriba se lhe venhem.

Numha insólita clarividência ao cam veu-lhe o entendemento

Para deijar de botar-se aos autocarros e o gando

E manhá nom haverá hecatombe em que celebrar sonhos

Feitos realidades por umha espêcie de... valor da vontade,

De atrevemento do cobarde que morre sem amor, every day,

Sem atrever-se a fechar os olhos e nom pensar mais, em nada.

Andanadas de grilos cantam e me acompanham á volta da ruada,

Amdanadas de grilos me cantam que estou errado nesta andanada.

Andanadas de grilos festejam umha outra vez que nom nos atrevemos,

Grilos que nom se detenhem, que nom calam, que nom param.

N-120 e... grilos que andam... andam... andam....

Nai / Madre (traducido dende o castelán)

2010-07-02T06:46:00.007-03:00

Cando o pánico asalta de novo
e imaxino a túa mirada, doce e serena
coma un rumor de ausencia
nun aquí e agora

Cando a gratitude infinda
da túa paciencia de nai
supera con creces
calqueira amor concebible

Cando a túa ausencia faga
sentirme débil e vulnerable
e a túa voz sexa tan sabia
coma o rumor do río
e o tempo das túas miradas

Cando non alcanzo a entender nada
nin do divino, nin do humano
e o teu rostro aparéceseme
coma un consolo
de coñecimento impotente

Cando, ao fin, obsérvome
e vexo en min o resultado
da túa laboura de artesá

A miña ira, o meu amor, o meu medo
o meu odio, a miña anguria

Volven ao misterio
do neno que deixache ser
e do home que agora son

2010-06-28T14:29:00.000-03:00

Amo o que nom vê
mais ca o que se vê
porque creio mais nos sonhos
ca nos olhos
cansos
de ver e rever
porcalhada e piolhos.
Quero a dignidade dos nenos de carvom
olhar limpo dos deserdados
os coraçons vivos dos oprimidos conscientes.

Nom me valem as nenas de chucha-mel
nem os reis dos papéis numerados.
Nas notas da Galiza só vam as cachenas.
Nom me vale nada este mundo
porque o tratamos como as religions o tratam;
“estamos de passo”.
Nom. Nós nom.
NÓS
saímos-vos ao passo:
e já avonda!

2010-06-28T14:25:00.000-03:00

É mais doado morrer.
É mais singelo e mais barato.
Mais ca viver e sofrer
dixo o poeta.
Eu nom quero morrer.

É mais doado luitar.
É mais singelo, embora ingrato.
Mais ca viver morto
dixo o profeta.
Eu nom quero viver morto.

É mais doado amar.
É mais formoso e humano.
Mais ca viver e luitar.
Digo-cho eu.
Eu nom quero o amor seu.

2010-06-28T14:18:00.001-03:00

As moedas riscam o vento
e as notas sujam os sonhos
Cores fume luz
Todo disposto para o show
Luxo glamour aparência
Coraçons mortos
Azul opaco morte e negro
balbordo nas avenidas
estrondo nas oficinas
silêncio, silêncio nas mentes
azul opaco nos olhos
verdes
olhos.

Oda para os novos Deuses

2010-06-25T20:04:00.000-03:00

No meio do despreço, senhor, nom imploro misericórdia

o ceio e a terra me bastam como gracia para ser um homem

pois mentres o vento corra e a auga baixe, com eles fluirei.

No meio da derrota, senhor, nom reclamo justiça, nom história,

que os meus pés pissam a herba e meu coraçom baila nas bágoas

asobalhadas dos que vinherom e dos que serám... Esquecidos.

No meio deste insidia, senhor, nom precisso justiça, nem adulaçons...

Soio o coraçom livre e a conciência sá para ser... livre

no meio da noite sem coidado nem segurança, sem medo.

Em quanto a terra é dos meus pés a cada intre

e o sol, a auga, as arbores, a música, a poesia

eu nom precisso de ti nada, senhor, nem nada pago.

Telepeagens cara ó inferno geneticamente adulterado

Microchips para sabermos que lhe digam quem somos

que comemos, bebemos... quem fodemos... com que papel...

Todo ordenado, todo gardado, nesta era do progresso, senhor,

Todo para ti, todo virgem, todo inmaculado e nada descoberto.

Permíte-me que sonhe sem cometer um sacrilegio.

Permíte-me que creia aínda em amuletos

que venere imagens com teias de ouro vestidas,

Permíte-me revestir-me de certeças que sexam herexias.

Aurrevoire

2010-06-23T14:17:00.000-03:00

Adeus Compostela, adeus

Embora meus pés ficam ferrados da túas pedras

e ó sur devo marchar ó reencotro da terra.

Reciclar umha outra vez a alma afumada

polo cheiro a uniformes e caucho que te degrada.

Aurrevoire, Compostela, Capital inmensa

pátria da lingua, da terra, berce dos sonhos

praia onde tostar-me cinco anos a mirar estrelas,

Punto de partida e retorno para cabalos tolos.

A ti voltaram os que marcham, em ti vivem, respiram...

Ir, voltar e correr polas túas rúas

coma um pajaro sem ninho e ó final

de buscar atopar portas com habitaçons núas

que decorar e alimentar sem calma nengumha.

Meus pés voltaram, galopar, estes bares e meu lombo...

túas cunetas fondas e quentes para a noite.

Voltaram meus pés ver como chove

o doce chover da primavera dos sonhos,

o morno inverno das nuvens na praça da Quintana.

Aurrevoire Compostela, aurrevoire.

-Buscai-lhe título-

2010-06-18T20:43:00.000-03:00

Abandonemos Ítaca e fujamos lonxe
onde nom poidam assassinar-nos
com a mirada florida da súa felicidade,
onde nom tenha força os seus carneiros.

Bulamos pois sem demora lonxe
onde poidam existir as nossas teimas:
As fouces, os alhos, ás ferraduras, as cornas
todas elas metidas em buratos de paredes.

Alá ó meio do oceano silvestre,
alá que é grande a moura
ó recolhe-los amorodos.
Ás montanhas da paz e da inmoralidade (da nossa inmoralidade).

Vaiamos cara a terra prometida
onde paraugas Cunqueirans nos protexam
da miséria de estar vivos e ver...
como se envelenam as ovelhas.

Trabalhemos com o artesam e matemos,
mais sem nocturnidade e alevosía (com consciencia), á ciência.
Fagamos vidrios coloridos, novas catedrais,
sonhemos porcos com ás e burros listos.

Burros que queiram se-lo

e que galopem sobre as nubes

conscientes da cruçada coma burros que som.

Burros que mirem ó porco sem enveja.

Cosmos (2)

2010-06-17T17:25:00.007-03:00

Daquela vémonos vestidos
perante o falso espello da sociedade

Con ideoloxía
Con lingua-nai
Con soños

O sentimento de pertenza troca
repentinamente
na comunidade do odio

Esa absurda certeza do ser
Esa compracente comodidade do coñecido
Ese xesto paternal en forma de sentencia

Ocultando o cósmico arrepío perante a nada

¿Quenes somos?. ¿De ónde vimos?. ¿A ónde vamos?

A tríada elemental
A partícula elemental
desaparece das nosas vidas

E o ego, libre de humildes interrogantes
infla coma un globo aerostático

Os moradores da caverna
collen o timón do ágora público
e a masa deforme que os aplaude
persegue as fogueiras nocturnas
dos filósofos-poetas
prendendo fogueiras para libros

Acabouse a festa nocturna da palabra
Acabouse a comunidade
Acabouse o misterio compartido
Acabouse a ignorancia asumida

A historia íntima da humanidade
foi asasinada

O partido do odio
venceu de novo
a partida

Cosmos

2010-06-17T17:11:00.002-03:00

Daquela véxome espido
perante o cosmos

Sen ideoloxía
Sen lingua-nai
Sen soños

E ese sentimento atávico
apodérase do meu corpo

Esa intuición do misterio
ese desgarro do descoñecido
ese calafrío en forma de interrogante

¿Quenes somos?. ¿De ónde vimos?. ¿A ónde vamos?

Tres preguntas paridas
no intre de cósmico arrepío
perante a nada

A tríada esencial
A partícula elemental
escachando o ego

Ser, tempo e incerto futuro

Ou a historia íntima da humanidade
convocada na fogueira maldita
da filosofía con sangue de poesía

DIÁRIO DA VIDA NA CIDADE

2010-06-15T21:25:00.003-03:00

01/01/01
Parece-nos muitas vezes
Que moramos em borbulhas
Restringindo’o nosso passo.

02/01/01
Daquela me torno ciente
Das borbulhas opressoras,
Quando’o dia já foi morto.

03/01/01
Fazemos um só caminho
Cada dia pola Urbe
Evitando ser curiosos.

04/01/01
Algum se pergunta’às vezes:
“Como fago sempr’o mesmo
Sem sair-me nunca fora?”.

05/01/01
Olhei um bom dia lá,
Esses sítios inda’ignotos...
Aínda temo visitá-los.

...

(Bebim a sexta à noite
Cerveja’em demasia.
Quiçá, cambaleante,
Rompim essa borbulha
E’andei por lugares que nom devera)

Praemunire

2010-06-14T16:47:00.000-03:00

Se vinheras de novo a min

eu já nom estaria neste bosque

nem seria máis gonicela nem esquio...

Se vinheras umha outra vez

só verias montes de esterco e de palha

aguardando picanhos de mango podrido.

Se volveras verias

que as noites agora tornarom longas

máis do que forom e imaginei nunca.

Se volveras de novo aquí

é possível que eu já nom esteja

deitado entre ás cirdeiras.

Medo

2010-06-14T08:12:00.000-03:00

Medo de non terte
medo de non amar
medo de soidade infinda
medo da besta en min
medo do medo

Nacín no medo
crecín no medo

No medo do teu amor
no medo de futuro incerto
no medo do inefábel sen nome
no medo de recoñecer o infindo
no medo de non ser nada

Medo....

Medo de non gañarte a partida
medo de amor tenro e fráxil

----

No meu país, veu primeiro o exterminio
veu despois o medo
e logo quedouse o auto-odio
e tamén, si, o medo

Despois de decenios de fascismo
democracia secuestrada
e memoria silenciada

¿Seremos capaces dun acto de liberdade?

Medo (2)

2010-06-14T08:09:00.001-03:00

Baixache a min
dende a aparente nada
apoderándote do meu corpo

Respiración entrecortada
Inquedanza nervosa

Medo infindo, de non se sabe onde
Medo de perder o control
Medo de ter medo
Medo da nada

Mírote aos ollos, cara a cara
obrígote a creer en min
e o meu corpo latexando
fuxindo das grandes verdades

A min o corvo!
A min o ar fresco da mañán!
A min a sublime serenidade!
A min o amor tenro!
A min o latexo da terra!

A terra que berra
A terra que xeme
A terra que regala
A terra que fumos
A terra que somos

... e a terra á que voltaremos ...

Busquei na terra
o último e liberador suspiro

Atopei, por fin
aquel "Nós" que me faltaba