Egolatrías III

Cando te vas enriba de min
o teu ronsel quente cálmame
a túa satisfacción faise miña
desgastada como unha árbore cansa de clorofila.
Puntas de satisfacción mesta en vírgulas de paixón
só provocada cando a masturbación é a dous.

Ceavoga:
Como un beatnik preso da súa propia regra:
ningunha.

Coas túas sacudidas soñei,
embriagada en horizontal

Perdida no desexo, por Nós cega.