Pesquisar este blog

segunda-feira, junho 14, 2010

Medo (2)

Baixache a min
dende a aparente nada
apoderándote do meu corpo

Respiración entrecortada
Inquedanza nervosa

Medo infindo, de non se sabe onde
Medo de perder o control
Medo de ter medo
Medo da nada

Mírote aos ollos, cara a cara
obrígote a creer en min
e o meu corpo latexando
fuxindo das grandes verdades

A min o corvo!
A min o ar fresco da mañán!
A min a sublime serenidade!
A min o amor tenro!
A min o latexo da terra!

A terra que berra
A terra que xeme
A terra que regala
A terra que fumos
A terra que somos

... e a terra á que voltaremos ...

Busquei na terra
o último e liberador suspiro

Atopei, por fin
aquel "Nós" que me faltaba

Nenhum comentário: