DESMESURA

Nom serei nunca mesura
na pel que habito,
de maratons e indigestions.
Pode entender-se deste jeito
a dor extrema que me sacode
cando o contakilómetros
passa de zero a cem
á velocidade da luz
envolta em estrela fugaz.

Como atopar-lhe explicaçom
a semelhante desmesura
coa lentitude á que despois
trabalha o pensamento
dando ordes ás articulaçons
e á vida que passa, voando,
case que sem eu ve-la e
sem tempo a pensar no que foi
pra ver o que vai ser?
Como atopar-lha? Como?